UI Movie Review in kannada: ಯುಐ, Upendra.
UI ದೇಶದಾದ್ಯಂತ ಸದ್ದು ಮಾಡುತ್ತಿರುವ ಸಿನಿಮಾ, ಉಪೇಂದ್ರ ನಿರ್ದೇಶನ ಮತ್ತು ನಾಯಕ ನಟನಾಗಿ ನಟನೆ ಮಾಡಿರುವ ಸಿನಿಮಾ, ಈ ಚಿತ್ರಕ್ಕಾಗಿ ಪ್ರೇಕ್ಷಕರು ಮತ್ತು ಅಭಿಮಾನಿಗಳು ಸುಮಾರು ಎರಡು ವರ್ಷಗಳಿಂದ ಕಾದು ಚಿತ್ರ ಬಿಡುಗಡೆಗೊಂಡ ನಂತರ ಪ್ರತಿಯೊಬ್ಬರು ಹಬ್ಬದಂತೆ ಆಚರಿಸಿ ಬೆರಗುಗಣ್ಣಿನಿಂದ ನೋಡುತ್ತಿರುವ ಚಿತ್ರ. ಈ ಚಿತ್ರ ನೋಡಿದ ಪ್ರತಿಯೊಬ್ಬರೂ ಹುಬ್ಬೇರಿಸುವಂತೆ ಮಾಡಿದೆ. ಹಾಗಾದರೆ ಚಿತ್ರದಲ್ಲಿ ಅಂತದ್ದೇನಿದೆ ಅದರ ಕಥೆಯೇನು.? ಸಿನಿಮಾದ ವಿಮರ್ಶೆ ಮಾಡಿ ತಿಳಿಯೋಣ ಬನ್ನಿ.! ಚಿತ್ರದಲ್ಲಿ ರೀಶ್ಮಾ ನಾಣಯ್ಯ, ನಿಧಿ ಸುಬ್ಬಯ್ಯ, ರವಿಶಂಕರ್, ಸಾಧು ಕೋಕೊಲ, ಅಚ್ಯುತ್ ಕುಮಾರ್ ಮುಂತಾದವರು ನಟಿಸಿದ್ದಾರೆ.
ವಿಶ್ವದ ಟಾಪ್ 10 ಸಿನಿಮಾಗಳ ನಿರೀಕ್ಷೆಯಲ್ಲಿದ್ದ ಚಿತ್ರ ಯುಐ ಡಿಸೆಂಬರ್ 20 ರಂದು ವಿಶ್ವದಾದ್ಯಂತ 3000+ ಥಿಯೇಟರ್ ಗಳಲ್ಲಿ ಬಿಡುಗಡೆಗೊಂಡು ದಾಖಲೆಯನ್ನು ಸೃಷ್ಟಿಸಿದೆ, ಬಿಡುಗಡೆಗೊಂಡ ಪ್ರತಿ ಚಿತ್ರಮಂದಿರದಲ್ಲೂ ಉತ್ತಮ ಪ್ರತಿಕ್ರಿಯೆಯನ್ನು ಯುಐ ಚಿತ್ರ ಪಡೆದುಕೊಂಡಿದೆ, ನೋಡಿದ ಪ್ರೇಕ್ಷಕರು ಚಿತ್ರವನ್ನು ಹಾಡಿ ಹೊಗಳಿದ್ದಾರೆ ಚಿತ್ರವನ್ನು ಮತ್ತೆ ಮತ್ತೆ ನೋಡಬೇಕೆಂಬ ಹಂಬಲವನ್ನು ವ್ಯಕ್ತಪಡಿಸಿದ್ದಾರೆ. ಉಪೇಂದ್ರ ಅವರು 9 ವರ್ಷಗಳ ನಂತರ ನಿರ್ದೇಶನ ಮಾಡಿದ್ದು ತಮ್ಮ ಅಭಿಮಾನಿಗಳಿಗಾಗಿ ಉತ್ತಮ ಚಿತ್ರವನ್ನು ನೀಡಿದ್ದಾರೆ. ಮತ್ತು ನಟನೆಯ ಮೂಲಕ ಪೂರ್ತಿ ಚಿತ್ರವನ್ನು ಆವರಿಸಿಕೊಂಡಿದ್ದಾರೆ, ಜೊತೆಗೆ ಸಹನಟರಾಗಿ ಸಾಧು ಕೋಕಿಲ, ರವಿಶಂಕರ್, ರೀಶ್ಮಾ ನಾಣಯ್ಯ, ನಿಧಿ ಸುಬ್ಬಯ್ಯ, ಇಂದ್ರಜಿತ್ ಲಂಕೇಶ್, ಪ್ರಶಾಂತ್ ಸಂಬರ್ಗಿ ಮುಂತಾದವರು ಚಿತ್ರಕ್ಕೆ ಜೀವ ತುಂಬಿದ್ದಾರೆ.
UI Movie Review:
- ಚಿತ್ರದ ಆರಂಭದಲ್ಲಿ “ನೀವು ಬುದ್ದಿವಂತರಾಗಿದ್ದರೆ ಈಗಲೇ ಚಿತ್ರಮಂದಿರದಿಂದ ಹೊರಗೆ ಹೋಗಿ, ದಡ್ಡರಾಗಿದ್ದರೆ ಪೂರ್ತಿ ಸಿನಿಮಾ ನೋಡಿ” ಎಂದು ಪ್ರೇಕ್ಷಕರ ಮೆದುಳಿಗೆ ಕೈ ಹಾಕುವ ಕೆಲಸವನ್ನು ಉಪೇಂದ್ರ ಅವರು ಚಿತ್ರವನ್ನು ಶುರು ಮಾಡುತ್ತಾರೆ. ಈ ಹೇಳಿಕೆಯು ಪ್ರೇಕ್ಷಕರಿಗೆ ನಾವು ಬುದ್ದಿವಂತರ? ದಡ್ಡರಾ? ಎಂದು ಪ್ರಶ್ನೆ ಹಾಕಿಕೊಳ್ಳುವಂತೆ ಮಾಡುತ್ತದೆ.
- UI ಚಿತ್ರವು ಯಾವುದೋ ಒಂದು ಎಳೆಯನ್ನು ಇಟ್ಟುಕೊಂಡಿರುವ ಚಿತ್ರವಲ್ಲ ನಮ್ಮ ಬದುಕನ್ನೇ ತೆರೆದಿಡುವ ಚಿತ್ರ. ಪ್ರಕೃತಿ, ರಾಜಕೀಯ, ಸತ್ಯ, ಸುಳ್ಳು, ಮನಸ್ಸಿನ ನಿಯಂತ್ರಣ ಮತ್ತು ಮುಂತಾದ ಗೊಂದಲಗಳಿಗೆ ಚಿಕಿತ್ಸೆ ನೀಡುವ ಚಿತ್ರವಾಗಿದೆ.
- ಚಿತ್ರವು ಮುಖ್ಯವಾಗಿ ಸತ್ಯ ಮತ್ತು ಕಲ್ಕಿಯ ನಡುವೆ ನಡೆಯುವ ಯುದ್ಧವಾಗಿದೆ ಅಂದರೆ ನಮ್ಮೊಳಗೆ ನಡೆಯುವ ಸತ್ಯ ಮತ್ತು ಮಿಥ್ಯಗಳ ನಡೆಯುವ ಆಂತರಿಕ ಘರ್ಷಣೆ.
- ಚಿತ್ರದಲ್ಲಿ ಉಪೇಂದ್ರ ಅವರು ಸತ್ಯ ಮತ್ತು ಕಲ್ಕಿ ಎಂಬ ಎರಡು ಪಾತ್ರಗಳಲ್ಲಿ ನಟಿಸಿದ್ದಾರೆ, ಸತ್ಯನ ಪಾತ್ರವು ಅಂಧಕಾರದಲ್ಲಿರುವ ಪ್ರಪಂಚವನ್ನು ಸತ್ಯದ ಮೂಲಕ ಬದಲಾಯಿಸಬೇಕು ಎಂದು ಪ್ರಯತ್ನಿಸಿದರೆ, ಕಲ್ಕಿಯು ಪ್ರಪಂಚವನ್ನು ತನ್ನ ಕಾಲಡಿಯಲ್ಲಿ ಇಟ್ಟುಕೊಳ್ಳುವ ಯೋಚನೆಯಲ್ಲಿರುತ್ತಾನೆ. ಇವರಿಬ್ಬರ ನಡುವೆ ನಡೆಯುವ ಘರ್ಷಣೆಯನ್ನು ಚಿತ್ರದಲ್ಲಿ ಅರ್ಥಪೂರ್ಣವಾಗಿ ನಿರ್ದೇಶಕ ಉಪೇಂದ್ರ ತೋರಿಸಿದ್ದಾರೆ.
- ಚಿತ್ರದ ಹಿನ್ನೆಲೆ ಸಂಗೀತ ಪ್ರತಿಯೊಂದು ದೃಶ್ಯಗಳಿಗೆ ಜೀವ ತುಂಬಿ ಪ್ರೇಕ್ಷಕರ ಎದೆ ಝಲ್ ಎನ್ನುವಂತೆ ಮಾಡುತ್ತದೆ. ಅಜನಿಶ್ ಲೋಕನಾಥ್ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದಾರೆ.
- ಪ್ರಪಂಚದಲ್ಲಿ ನಡೆಯುತ್ತಿರುವ ರಾಜಕೀಯ ದೊಂಬರಾಟಗಳನ್ನು ಉಪೇಂದ್ರ ಅವರು ತಮ್ಮದೇ ಶೈಲಿಯಲ್ಲಿ ಪರೋಕ್ಷವಾಗಿ ಹೇಳಿದ್ದಾರೆ. ಕಳ್ಳರು ನಮ್ಮನ್ನು ನಮ್ಮ ದೇಶವನ್ನು ಆಳುವವರಾದರೆ ನಮ್ಮ ದೇಶದ ಮತ್ತು ನಮ್ಮ ಪರಿಸ್ಥಿತಿ ಹೇಗಾಗುತ್ತದೆ ಎಂದು ತೋರಿಸಿದ್ದಾರೆ.
- ಪ್ರಕೃತಿಯೆಂಬ ತಾಯಿಯನ್ನು ಮೆಡಿಕಲ್ ಮಾಫಿಯಾ, ಬಿಸಿನೆಸ್ ಮಾಫಿಯಾ, ಮೈನಿಂಗ್ ಮಾಫಿಯಾದ ಮೂಲಕ ಯಾವ ರೀತಿ ಮಾನವನು ಅತ್ಯಾಚಾರ ಮಾಡುತ್ತಿದ್ದಾನೆ ಎಂಬುದನ್ನು ತೋರಿಸಿದ್ದಾರೆ.
- ಇದೇ ರೀತಿ ಪ್ರಕೃತಿಯ ಮೇಲೆ ಅತ್ಯಾಚಾರ ಮುಂದುವರೆದರೆ ಕಲ್ಕಿಯು ಅವತಾರ ಎತ್ತಿ ಮಾನವ ಸಮಾಜವನ್ನು ನಿರ್ಣಾಮ ಮಾಡುವನು ಎಂಬ ಸಂದೇಶವನ್ನು ಉಪೇಂದ್ರ ಅವರು ನೀಡಿದ್ದಾರೆ.
ಚಿತ್ರವು ವಿಶ್ವದಾದ್ಯಂತ ಕನ್ನಡ, ತೆಲುಗು, ತಮಿಳು, ಮಲಯಾಲಂ ಸೇರಿದಂತೆ ಐದು ಭಾಷೆಗಳಲ್ಲಿ ಬಿಡುಗಡೆಗೊಂಡಿದ್ದು ಉತ್ತಮ ಪ್ರದರ್ಶನವನ್ನು ಕಾಣುತ್ತಿದೆ. ಚಿತ್ರವನ್ನು ಉಪೇಂದ್ರ ಅವರು ಬಹಳ ನಿರೀಕ್ಷೆಯಿಂದ ನಿರ್ದೇಶನ ಮಾಡಿರುವ ಚಿತ್ರವಾಗಿದ್ದು ತಮ್ಮ ಪ್ರಜಾಕೀಯ ಚಿಂತನೆಯನ್ನು ಈ ಚಿತ್ರದಲ್ಲಿ ಬಿತ್ತಿದ್ದಾರೆ, ಈ ಚಿತ್ರದ ಮೂಲಕ ತಮ್ಮ ಜನರ ಮನಸ್ಸನ್ನು ಬದಲಾಯಿಸುವ ಹಂಬಲವನ್ನು ಹೊಂದಿದ್ದಾರೆ.
ತಾರಾಗಣ: ರಿಯಲ್ ಸ್ಟಾರ್ ಉಪೇಂದ್ರ, ಸಾಧು ಕೋಕಿಲ, ರವಿಶಂಕರ್, ರೀಶ್ಮಾ ನಾಣಯ್ಯ, ನಿಧಿ ಸುಬ್ಬಯ್ಯ, ಇಂದ್ರಜಿತ್ ಲಂಕೇಶ್, ಪ್ರಶಾಂತ್ ಸಂಬರ್ಗಿ, ಅಚ್ಯುತ್ ಕುಮಾರ್, ಸನ್ನಿ ಲಿಯೋನ್ ಮುಂತಾದವರು.
ನಿರ್ದೇಶಕ: ಉಪೇಂದ್ರಕುಮಾರ್
ಸಂಗೀತ ನಿರ್ದೇಶಕ: ಅಜನೀಶ್ ಲೋಕನಾಥ್
ನಿರ್ಮಾಣ: ಲಹರಿ ಫಿಲ್ಮ್ ಮತ್ತು Venus Entertainers.
